Aapko bhul jaye woh dil kaha se laye....

Aapko bhul jaye woh dil kaha se laye,
kisi aur ko chah le woh jigar kaha se laye,
nahi reh sakte aapke bin,
jo uff bhi na nikale woh zeher kaha se laye....

Na thi jisko mere pyar ki kadar....

Na thi jisko mere pyar ki kadar,
itifaaq se ussi ko chaah rahe the hum,
ussi diye ne haath jala diya,
jisko hawa se bacha rahe the hum....

Yeh raat itni tanha kyun hoti hai....

Yeh raat itni tanha kyun hoti hai,
kismat se apni sabko sikayat kyun hoti hai,
ajeeb khel khelti hai yeh kismat,
jise hum paah nahi sakte,
ussi se mohobat kyun hoti hai....

Jab bhi dekhti hai mujhe....

Jab bhi dekhti hai mujhe,
nazarein juka leti hai,
khuda ka shukar hai,
hume pehchan toh leti hai....

Kaash ke unhe chahne ka armaan na hota....

Kaash ke unhe chahne ka armaan na hota,
mein hosh mein hote huye anjaan na hota,
yeh pyar na hota kisi patthar dil se hume,
ya koi patthar dil insaan na hota....

Din bhar in aankho ko tere chehre ka thikana chahiye....

Din bhar in aankho ko tere chehre ka thikana chahiye,
aur raat bhar inko na sone ka bahana chahiye,
tum na dikho to dukhi hokar nahi sota,
dikh gaye toh khush hokar nahi sota....

Zindagi mein do minute koi mere pass na baitha....

Zindagi mein do minute koi mere pass na baitha,
aaj sab mere paas bethe ja rahe the,
koi tofha na mila aaj tak mujhe,
aur aaj phool hi phool diye ja rahe the,
taras gaya mein kisi ke haath se diye woh ek kapde ke liye,
aur aaj naye naye kapde odhaye ja rahe the,
do kadam saath na chalne ko tayar tha koi,
aur aaj kafila bankar ja rahe the,
aaj pata chala ki maut itni haseen hoti hai,
kambakt hum to yuhi jiye ha rahe the....

Kya khabar thi ki tum achanak juda ho jaoge....

Kya khabar thi ki tum achanak juda ho jaoge,
kabhi mujhpar marte the kisi aur se fida ho jaoge,
ek tujhe hi toh chaha tha apni jaan se badhkar,
yeh socha bhi nahi ki mere liye saza ho jaoge,
mein nahi puchungi tumse mujhee chodne ka sabab,
mere yeh puchane se tum mujhse khafa ho jaoge,
mein toh iss mein hi khush hoon ki tum khush ho warana,
utha lu haath duwa ke liye toh,
tum abhi mere ho jaoge....